Ferm per la vita
Il battaisem es ün segn da vita vantüraivla. Cun el bivgnantain nus da maniera amuraivla l’uffant sün terra, illa famiglia ed in nossa cumünanza cristiana. No ingrazchain pel miracul da la vita e rovain pella benedicziun e pella furtüna da Dieu. Pro’l battaisem bogna la/il ravarenda trais jadas il frunt da l’uffant cun aua. Nus battiain in nom dal Segner, dal Figl e dal Spiert Sonch.
Pro’l battaisem survain l’uffant sün sia via da la vita ün vers da la Bibla e suvent eir üna chandaila da battaisem. Ils genituors impromettan pro’l battaisem dad educar lur uffant da maniera cristiana. Il ritual dal battaisem vain manzunà fingià i’l Nouv Testamaint. Gesu svess es gnü battià ed el ha dat uorden als apostels da battiar. Il battaisem es ün sacramaint illa baselgia evangelic-refuormada.
Sch’Els vöglian battiar Lur uffant schi chi fetschan il bain da tour sü contact cun la ravarenda da Lur raspada. I’l rom dad ün discuors pon Els manzunar Lur ideas e Lur giavüschs. Id es eir pussibel da battiar a creschüts e dar la benedicziun ad uffants.
